Nabraj Tamang | 10 नोभेम्बर 2020
मकवानपुर/ एम.एन.ओ. जिल्ला सभा मकवानपुरको आयोजनामा बृहत मूलबासी मंगोलको प्रशिक्षण कार्यक्रम सम्पन्न भएको छ । १० नोभेम्बर २०२० मंगलबारको दिन मंगोल नेशनल अर्गनाइजेसन जिल्ला सभा मकवानपुरका कोषाध्यक्ष विर बहादुर गोलेको सभाध्यक्षता एवम् मंगोल नेशनल अर्गनाइजेसन केन्द्रीय सर्वोच्च सभा सदस्य एवम् कार्यालय सचिब रिन्छेन तामाङ ज्यूको प्रमुख आतिथ्यता तथा केन्द्रीय सदस्य जीवन स्याङतानको विशिष्ट आतिथ्यतामा कार्यक्रम सम्पन्न भएको थियो । कार्यक्रममा उपस्थित हुनुभएका मुलबासी मंगोलहरुलाई कार्यक्रमका प्रमुख अतिथि रिन्छेन तामाङले एम.एन.ओ. र मंगोल राष्ट्रबाद सम्वन्धी प्रशिक्षण दिनुभएको थियो भने त्यस्तै विशिष्ट अतिथि जीवन स्याङतानले ८० प्रतिशत अहिन्दु मुलबासी मंगोलहरु एकजुट भई अघि बढ्न सकेमा अब बाहुनबादको कुनै किसिमको शक्तिले रोक्न सक्दैन भन्ने जस्ता बिसयहरुमा प्रष्ट पार्नुभएको थियो । कार्यक्रममा बाग्मति प्रदेश सभाका सदस्य कविन राणा मगर, युवराज स्याङतान र नवराज ब्लोन, त्यस्तै जिल्ला सभाका सदस्यहरु राजु घलान, मिनोस मंगोल, युनिस मोक्तान, सुगम तामाङ लगायतका सदस्यहरु रहनु भएको थियो ।
एमएनओ जिल्ला सभा मकवानपुरका सदस्य सुगम तामाङले स्वागत मन्तव्य राख्नु भएको थियो भने कार्यक्रमलाई जिल्ला सल्लाहाकार निहारिका गोलेले सञ्चालन गर्नु भएको छ । कार्यक्रम जिल्ला सभाका कोषाध्यक्ष गोलेले समापन गर्नु भएको थियो ।
Copyright © 2020 Mongol Vision. All Rights Reserved.
Powered by : Dradtech Technology