नेपालमा हालका हिन्दुआर्य बाहुनक्षत्री शासकहरुका ठुल्लदाई भारतको सत्तामा रहुँन्जेल प्याउले भाई बनेर घुर्कीफुर्की लगाउने प्रचलन नयाँ भने पटक्कै होइन । नेपालमा अहिलेसम्मका सरकार गठन प्रक्रियालाई भित्रीबाट नियालेर हेर्ने र आशिर्वाद थाप्ने पहिलो पाइलालाई नियाल्ने हो भने नेपालका शासकवर्गहरु आफ्नो मुलुकको असली जनमतले होइन छिमेकी मुलुकको रिमोटले चल्ने गरेको प्रष्ट देख्न, बुझ्न सकिन्छ । अहिले सर्वत्र चर्चामा रहेकोे विषय हो विषादी मिसावट फलफूल तथा तरकारीको परिक्षण बारेमा । भारतबाट आयातित तरकारी खानयोग्य छैन भने आफ्नो बारीमा आफै आर्गनिक तरिकाले उब्जनी गरेर खान सकिन्छ । जबर्जस्ती सित्तैमा किचनमा खानुहोस भनेर कसैले ल्याइदिने होइन! मेहनत गरि आफुलाई चाहिने तरकारी आफै उत्पादन गरि आत्मनिर्भर साथै निरोगी बनौं । मंगोल भुमी नेपालमा छानबिन गर्ने कुनैपनि आयोगको भर छैन । पहुँच र पैसाको भरमा फैसला हुने न्यायपालिका, भ्रष्टाचार नियन्त्रण गर्ने अख्तियार अनुसन्धान दुरुपयोग आयोग नै भ्रष्ट ,विद्वान ब्याक्तित्वलाई प्रदान गर्ने शैक्षिकप्रमाणपत्र दिने शैक्षिकसंस्था नै बकमफुसे भ्रष्टाचारीको हातमा हुने (नाक र नोटको थाक हेरेर अंक थपिदिने) मुलुकमा भारतबाट आयातित विषादीयुक्त्त तरकारी चेक गर्ने चेकपोस्टका साधारण कर्मचारीलाई सुक्को मै किनबेच गर्न कुनै बेर छैन । अहिलेका प्रतिस्पर्धी किसानहरु उपभोक्ताको स्वास्थमा भन्दा आफ्नो उत्पादन वृद्धिमा ध्यान दिने र छिमेकी मुलुकको फोहोर फाल्ने डस्विन जस्तो हाम्रो मुलुक भएकोले आफै सतर्क रहनु सिवाय अर्को विकल्प छैन । विदेशीभुमिमा रगतपसिना नबगाउने बृहत मुलवासी मंगोलहरुको घर विरलै होला । अत : मौसम अनुसारको तरकारी उत्पादन गर्न कुनै कठिनाइ छैन । आफ्नै भुमिमा परिश्रम गरेर हेर्नुस् , बिना अर्थको झोले राजनीतिमा आफ्नै सन्ततिलाई खाल्डोमा हाल्ने मनुवादी राजनीतिले समय बर्बाद गर्ने प्रवृति आजैदेखि बन्द गरिदिनुहोस । एकल नश्लिय मनुवादी राजनीतिलाई जरैदेखि उखेल्न समस्त अहिन्दु मुलवासी मंगोलहरुको साझा संगठन मंगोल नेशनल अर्गनाइजेसन दिनानुदिन अगाडि बढिरहेको छ । यसर्थ भारतले विषादीयुक्त तरकारी खाउ भनिरहेको छैन बाँझो रहेको करेसा बारीमा आफ्नै हातले तरकारी उब्जाउ भन्ने संकेत गरिरहेको छ ।