आकाशमा कावा खादै जहाज उडाउन सक्छे नारी

आफ्नो कर्तव्य र जिम्मेवारी सहजै उठाउन सक्छे नारी

नारीको चरित्र माथी खेलवाड गर्ने दुर्गन्धित पुरुषको

बोक्रे व्यक्तित्व र पुरै जिवन ध्वस्त पार्दै उदाउन सक्छे नारी

चुलो चौका र घाँस दाउरामै सिमित छ नसोचे हुन्छ

अब बन्दुकलाइ सवक सिकाएर कलम चलाउन सक्छे नारी

कूलघरानको शोभा बढाउने सुगन्धहीन पालास होइन

शिक्षित बनी सिङ्गो राष्ट्रलाई सुवासमय बनाउन सक्छे नारी

हिंसालाई सहि अपराधीलाई प्रश्रय दिई रुदै बस्न जान्दैन

पीडितमा न्याय दोषी कानुनको कठघरामा उभ्याउन सक्छे नारी

कामुक पिपासुको प्यास मेटाउन अर्धनग्न भै अप्सरा बन्दिन

बरु स्वतन्त्र समानता र भातृत्वको गीत गाइ नचाउन सक्छे नारी

विकास र परिवर्तनको संवाहक युवा स्वारोजगार खोजेर

मुलुकको सबै भन्दा बलियो हतियारमा धार लगाउन सक्छे नारी