Sinara Meche Mongol | 27 जनवरी 2019
" हामी यहाँ दौडी रहेका छौं "
लक्ष्य लिएर दौडीनेहरु पनि छौं।
लक्ष्य बिना दौडीनेहरु पनि छौं।
गन्तब्य पुगेर भविष्य चम्किलो देख्ने पनि छौं।
गन्तब्य बेगर अन्धकारमय यात्रा गर्ने पनि छौं।
हामी यहाँ दौडी रहेका छौं
--- यहाँ दौडीने धावकहरु थुप्रै-थुप्रै छौं
तर दौडाइमा फरक यति मात्रै देख्छौं।
कोही छाना-माना-नानाको लागि दौडिन्छौं।
कोही समानता-स्वतन्त्रताका लागि दौडिन्छौं।
यहाँ दौडिने धावकहरु थुप्रै -थुप्रै छौं
----- कोही-कोही त दौडेर भोक - प्यास मेट्नेहरु पनि छन् ।
कोही चाहीं अस्तित्व-अधिकार भन्दै दौडीनेहरु भोकै छन।
कोही भने समाजको आँखामा पट्टी बाँध्ने भन्दै दौडेका छन्।
केहीले भने समाजको आँखा खोल्छौं भन्दै दौडेका छन।
यहाँ दौडिने धावकहरु थुप्रै-थुप्रै छौं
---- मंगोल र आर्य भनेर दौडिने पनि छन।
मुलवासी-आदीवासी भन्दै दौडिनेहरु छन।
अहिन्दु र हिन्दु भनेर दौडनेहरु पनि छन।
दलित-जनजाति-कमारा भनेर दौडनेहरु छन।
यहाँ दौडिने धावकहरु थुप्रै -थुप्रै छौं
---- यहाँ किराँत भन्दै दौडिने पनि छन।
प्हेलु संघ भन्दै दौडिनेहरु पनि छन।
यहाँ सेवाङमी भन्दै दौडिनेहरु पनि छन।
मैत्री मंगलम भन्दै दौडिनेहरु पनि छन।
यहाँ दौडीने धावकहरु थुप्रै -थुप्रै छौं
---- जै मंगोल भन्दै दौडिने पनि छन।
जै नेपाल भन्दै दौडिनेहरु पनि छन ।
जै गोरखनाथ भन्दै दौडिने पनि छन ।
जै भुँडी भन्दै दौडिने हरु पनि छन ।
यहाँ दौडिने धावकहरु थुप्रै -थुप्रै छौं
---- यो दौडमा जसले म ठग र भ्रष्ट होइन भन्न सक्छ।
सफ्टवेयरमा हालेको परिणामले दुध र पानी छुट्याउँछ।
जसको छोराछोरीले बुवा ठग र भ्रष्ट छैनन भन्न सक्छ।
अन्तिम दौड प्रतियोगिता तिनै नैतिकवान पुरुषले जित्छ।
Copyright © 2020 Mongol Vision. All Rights Reserved.
Powered by : Dradtech Technology