Sanju Hang Mongol | 9 जनवरी 2019
=====धन्य हो डा.गोपाल गुरुङ=====
धन्य हो डा.गोपाल गुरुङ
हिजो सम्म मौन थिए
दासताको जन्जिरले जो जकडेको थियो
मौनता सँगै स्थिर नि थिए
अभिसापले हातखुट्टा जो पकडेको थियो
पुर्खाको विलाप सुन्नै पाईन
मन्त्रले कान जो बुचिएको थियो
धन्य हो डा.गोपाल गुरुङ
अस्तित्व पहिचान गर्न सिकायौ
नत्र त जीवन मुर्छित नै थियो
काहालि लाग्दो दशा मूलवासी मंगोलको बुझे
हिजो सम्म नजरमा जो धमिलो थियो
अब मौनता सँगै जन्जिरलाई तोडेर आउँछु
अब त्यसैलाई नजरबन्द गर्छु
अभिसाप जसले बोकाएको थियो
अब यि आवाजले हृदय थर्काउछु
हिजो सम्म पो मौन थिए
दासताको जन्जिरले जो जकडेको थियो !!
लेखक: संजुहाङ मंगोल
Copyright © 2020 Mongol Vision. All Rights Reserved.
Powered by : Dradtech Technology
