Som Gurung | 25 फेब्रुअरी 2019
खुट्टा र नङ्रा मात्र खान सक्दिन म
मलाई माफ गर्नु होला।
मरेको जस्तै भएर बाच्न सक्दिन म
मलाई माफ गर्नु होला।
अस्तित्व बिहिन भएर बुढिगण्डकी जस्तै
त्रिशुलिमा विलीन हुन सक्दिन म
मलाई माफ गर्नु होला।
मेरो पुर्खाको कत्लेआम भएको दिनलाई
बडा उत्सव मानेर धुमधामसँग मनाउन सक्दिन म
मलाई माफ गर्नु होला।
मेरो पुर्खाको नाक र कानको थुप्रो माथि उभिएर
कसैको पुर्खाको आलिसन दरबार हेर्न सक्दिन म
मलाई माफ गर्नु होला।
मेरो पुर्खाको रगत पसिनाले सिन्चित पबित्र भुमिलाइ
कसैको पुर्खाको सानो दुखले आर्जेको मुलुक भन्न सक्दिन म
मलाई माफ गर्नु होला।
कसैको जिजुबाजेलाइ बडामहाराज भन्न सक्दिन म
मलाई माफ गर्नु होला।
खलपात्रहरुको कुकृत्यलाइ भगवानको लिला मान्न सक्दिन म
मलाई माफ गर्नु होला।
आफ्नै खेतमा खेताला बन्न सक्दिन म
मलाई माफ गर्नु होला।
आफ्नै देशमा शरणार्थी बन्न सक्दिन म
मलाई माफ गर्नु होला।
घर मालिकलाइ भतुवाहरुले
सैदुवा बनाएको हेर्न सक्दिन म
मलाई माफ गर्नु होला।
Copyright © 2020 Mongol Vision. All Rights Reserved.
Powered by : Dradtech Technology