Mita Moktan | 12 मे 2019
नव शिशु जन्मेको, थाहा पाउने बित्तिकै !
आइपुग्छन बाजे बाहुन मंगोलहरुको घरमा टुपलुक्कै !
चिनाको विज्ञापन गर्दै !
हाते चिना बनाउने होकि ?
कम्प्युटर चिना बनाउने हो कि ?
भन्दै, ङिच्च दाँत देखाउदै,
मङ्गला, पिङ्गला धान्य, भ्रामरी
भद्रीका, उल्का, सिध्दि सङ्ग्कटा को
बेकामे सुत्र बताउदै,
घडी पला नक्षत्र नाना भाती देखाउदै,
सौर्य मण्डलका ग्रह उपग्रहलाई गन्दै !
आठौ बाह्रौं ग्रहहरुको स्थान देखाउँदै,
ग्रह शान्तिका जप विधि भन्दै !
नव शिशु बाचुन्जेल तक लुट्ने षड्यन्त्र गर्दै !
नव शिशु जन्मेको, थाहा पाउने बित्तिकै !
आइपुग्छन, बाजे बाहुन मंगोलको घरमा टुपलुक्कै !
ज्युजु बाजेको पालादेखी,
यिनले भनेको कहाँ पुग्या छ र ?
यो देशको राजा, प्रधानमन्त्री
हाम्रो मंगोल कहाँ बन्या छ र ?
प्रधान सेनापती, हाकिम, डाक्टर, इन्जिनियर
मुलुकको उच्च पदमा कहाँ पुग्या छ र ?
हाम्रैहरु विद्वान र वैज्ञानिक
भए पनि स्थान कहाँ पाएको छ र ?
मिता मोक्तान
मेघालय, भारत
Copyright © 2020 Mongol Vision. All Rights Reserved.
Powered by : Dradtech Technology