Gyalzen Dorje Tamang | 21 फेब्रुअरी 2020
स्वतन्त्र अकाशमुनी पिन्जडाकि परि !
लाउदै फुलि, नथी र बुलाकि !
गलामा दाम्लोझै पोते !
हातमा हतकडिझै चुरा !
हिडने पाउमा पाउजु !
सुन्ने कानमा जुम्का रिङ्ग ।।
सुन,चादी हिरा र मोति !
निधारमा दासताको सिन्दुर पोति !
चौरासी ब्यण्जन श्रृङ्गारमा सजि !
जन्जिरभित्र छटफटाइरहेकी छिन !
रुप र बैशको उन्मादले उम्लि !
रित्तो छन धितो छन बैँस र जवानी !
के अर्थ भो र त्यो श्रृङ्गारको ?
के अर्थ भो र त्यो जबानिको ?
तर कस्तो बिबस्ता !
यो विश्व सर्लक्कै सामन्ति पुरुषहरुले निलिसकेछ !
नारी त सधैं ती सामन्तीको गर्भमै तुहिरहेछ !
पुजीवादीहरुको साम्राज्यमा कठपुतली बनिरहेछ !
बजारमा बेच्ने ती बस्तुहरुभन्दा मुल्यहिन भएर !
बच्चा जन्माउने मेसिन बनेर !
गोठ,चुलोचौकामा सिमित भएर !
चलचित्रको पर्दामा क्यामराको कैदी बनेर !
सङ्गितको धुनहरुमा रैती बनेर !
यसमा न त तिम्रो दोष न त मेरो !
के अर्थ भो र त्यो सन्तानको ?
के अर्थ भो र त्यो धनको !
ए नारी ! अब त तिमिले !
तिमिसङ्गै सन्ततिको अस्तित्व खोज्नु छ !
हर क्षेत्रमा नारीको 50% हिस्सा खोज्नुछ !
ग्वाटेमालाकी रेगोबेर्टा मेन्चुले जस्तै,!
अब्यक्त वेदना पोख्ने तसलिमा नसरिनले जस्तै !
असत्यको जरो उखेल्ने बेनजिर भुटोले जस्तै !
अन्तरीक्षयात्री भेलेन्टिना टेरेस्कोभाले जस्तै !
अन्वेषक म्याड्म क्युरिले जस्तै !
बक्सर म्यारी कोमले जस्तै !
टेनिस खेलाडी सेरेना विलियमसले जस्तै !
कलमद्वारा आत्म बोल्ने पारिजातले जस्तै !
स्वर सम्राग्यी अरुणा लामाले जस्तै !
तब पो हटछ लैङ्गिक विभेद त्यो !
अनि पो हटछ वर्ण विभेद त्यो !
Copyright © 2020 Mongol Vision. All Rights Reserved.
Powered by : Dradtech Technology
