उक्लिदा सर्केर तल खस्केको छु

अनि निन्दरिको ओतमा अढिदानी

कसैले तर्साएर हो या झस्काएर

झसङ्गै तर्सिएको नि छु ..

बिहानिको लाली किरण सँगै

भविष्यप्रती उन्मुख भइ पाइला सार्दा

कतिपटक त धसारिएरै लडेको छु .

पटक पटकको लडाईको बज्राइले

कैले काहीँ त मुर्छा नै परेको छु ..

पिरोलिन्छु राती कतै

बिहानिको उषा स्पर्श नहोलाकी भनी

अनि फेरि अस्तित्व प्राप्तिको कल्पनाले

मनमा अनेक कुरा गुठ्दै कति रात उधारेको छु .

सत्य खोज्दै असत्यको जन्जालमा

यस्तै दिन, महिना र साल गुजारेको छु ..

बेउली बनेर बेउला मार्ने देखे

अनि बेउला बनेर बेउली बेच्नेनी देखे

मार्ने र बेच्ने सालको अन्तरालमा

कति कुमार कुमारिहरुलाई धम्काएकोनी छु .

अन्यथा नहोस लक्ष्य प्राप्तिमा समर्पित बनेको म

त्यसैले निस्पक्ष सम्बन्धको निम्ति लागि परिरहेको छु ..

किनकी हरपल उक्लिदा सर्केर तल खस्केको छु

अनि निन्दरिको ओतमा अढिदानी

कसैले तर्साएर हो या झस्काएर

झसङ्गै तर्सिएको नि छु ..