Naresh Tamang | 16 मार्च 2020
तिमी त वीर थियौ
यो देशको शासकले कायर बनायो
तिमीले पत्तै पाएनौं।
तिमी त बलवान् थियौ
यो देशको शासकले हात पाउ बाँध्ने जंजीर बनायो
तिमीले पत्तै पाएनौं।
तिमी निडर र सहासी थियौ
संसारलाई जित्ने तागत थियोे तिमिमा
त्यसैले त तिम्रै समुदाय माथि सोझ्याउन
तिमीलाई, यो देशको शासकले बिषालु तिर बनायो
तिमीले पत्तै पाएनौं।
आफ्नो मातृभूमिको रक्षाका निमित्त
तिमी कहिल्यै पछि हटेनौं
सायद कयौंले प्राण अर्पण गरे
आज तिनीहरुकै अस्तु माथि
यो देशको शासकले मन्दिर बनायो
तिमीले पत्तै पाएनौं।
आधुनिक युगका ब्वाँसोहरुमा
यत्ति चेतना त आएछ क्यार!
काँच्चै मासुले बिगार गर्छ रे!
त्यसैले काटिकुटी तिमीलाई
यो देशको शासकले झिर बनायो
तिमीले पत्तै पाएनौं।
न तिमीले नकाव धारीलाई चिन्यौं
न त आफ्नो अस्तित्वलाई चिन्यौ!
तिमीलाई त सिध्याई छाड्यो।
त्यसैले अटल र अमर सम्झना स्वरुप
मैले तिम्रो तस्वीर बनाए
तिमीले पत्तै पाएनौं।
Copyright © 2020 Mongol Vision. All Rights Reserved.
Powered by : Dradtech Technology