तिनले हामी सर्वभारालाइ सर्वहारा बनाएकै हुन

प्रदिक्षा तामाङ | 29 अगस्ट 2020

उल्टै हामीलाइ पो जनजाति बनजारा बनाएकै हुन

इमानदार,क्षमतावान मंगोललाई चेतनाबिहीन पारेर

मुखकै गाँस छाडेर तिनलाइ सर्वभारा बनाएकै हुन

कति मौका दियौ है,हामीले चुच्चे धोखेबाजहरुलाइ

खै त?जंगल पस्ने बेला विभेद हट्ने,नारा बनाएकै हुन

अभावग्रस्त जीवन जिउन विवश बनायो दासी बनायो

जलजमिन ,अस्तित्व नै लुटेर तिनकै सारा बनाएकै हुन

झुठा छलछाम र भ्रमकै खेती गरी मंगोलहरु फुटाएर

आफ्नै पुर्खा र सन्तान भन्दा भगवान,प्यारा बनाएकै हुन

शरणको हरण गर्दै षड्यन्त्रकारी आर्यले जमिन राज गर्यो

हाम्रो धर्मात्मी पुर्खालाइ कहिल्यै नभेट्ने तारा बनाएकै हुन

प्रतिक्रिया दिनुहोस्

समाचार सबै :