काठमान्डौं/ दिन दुई गुणा रात चार गुणा हुँदै मंगोल नेशनल अर्गनाइजेशन फैलिने क्रममा प्रवास सभा जापान गठन भएको छ । 1 May बुधबारका दिन जापानको राजधानी टोक्यो स्थित सोम छन्त्यालको प्रमुख आतिथ्यता र डिबि मंगोलको अध्यक्षतामा २० सदस्यीय प्रवास सभा जापान गठन भएको हो । जसको सचिव, कोषाध्यक्ष क्रमशः पुर्ण छन्त्याल र लक्ष्मी बुढामगर रहेका छन् । त्यस्तै सदस्यहरूमा बिर्ख गुरुङ, बिजय रोका, लोकेसरोका, धिराज गुरुङ, नवीन गुरुङ, रबिन पुन, त्योसन पुन, घले सुर्या, होम बहादुर थापा, सबिन बाबू पुन, नर बहादुर जुग्जाली र लाल घले गुरुङ रहनु भएको छ । त्यस्तै मूल सचिवमा एकराज पुन रहनु भएको छ । कार्यक्रममा एकराजन पुनले नेपालका ८०% अहिन्दू मूलवासी मंगोलहरु फुटेर होइन एकजुट भएर अस्तित्व प्राप्तिको निमित्त एक भएर अघि बढ्नु पर्ने कुरामा जोडदिनु भयो भने मंगोल राष्ट्रवाद सम्बन्धि क्रान्तिकारी गजल कविता पनि प्रस्तुत गर्नु भएको थियो । संगठनको हक र हितको निमित्त प्रवास सभा जापान सदैव सिद्धान्तमा अडिग रहि नीति र विधानमा बाधिएर संगठनको विकासमा अघि बढ्ने कुरामा सधै तत्पर रहेको अध्यक्ष डिबि मंगोलले बताए यसैगरी कार्यक्रममा नवनिर्वाचित कोषाध्यक्ष लक्ष्मी बुढामगरले सांस्कृतिक क्रान्ती स्वरूप नृत्य प्रस्तुत गरेकी थिईन भने कार्यक्रम एकराज पुनले सन्चालन गरेका थिए ।