बारा/ मंगोल नेशनल अर्गनाइजेशन तदर्थ जिल्ला सभा बारा गठन भएको छ । 
चैत ५ गते शनिबारका दिन  मदन बहादुर बम्जनको सभाध्यक्षतामा एवं संगठनका केन्द्रिय सदस्य जोनी वि. क. को प्रमुख आतिथ्यतामा सम्पन्न एक कार्यक्रम बिच उक्त जिल्ला सभा गठन भएको हो । कार्यक्रममा विशिष्ट अतिथिमा सिन्धुली जिल्ला अध्यक्ष शान्तवीर लामा रहनुभएको थियो भने अतिथिहरुमा सिन्धुली जिल्ला सल्लाहकार बोर्जन लामा, सर्लाही जिल्ला सचिव ज्ञानु मंगोल र सदस्य उतर राना मगर रहनुभएको थियो । 
मदन बहादुर बोम्जनको अध्यक्षतामा १७ सदस्यीय एम. एन. ओ. जिल्ला सभा बारा गठन भएको छ । सचिव, कोषाध्यक्ष, सहसचिव, प्रचारप्रसार सचिवमा क्रमशः हस्त बहादुर मोक्तान, नेत्र बहादुर राना मगर, सुमी मोक्तान, विजय कुमार मगर रहनुभएको छ भने सदस्यहरुमा कुमार घलान, यज्ञ विक्रम मगर, विमल मगर, सागर मोक्तान, रुपेश तामाङ, सुकुमाया बल, धन बहादुर थोका, आदेश जिम्बा र  छिसल माया थिङ रहनुभएको छ ।