mongolvision | 29 जनवरी 2022
झापा/ मंगोल नेशनल अर्गनाइजेशन बुद्धशान्ति गाउँ सभाको आयोजनामा बुद्धशान्ति -३ स्थित किनारा बस्तीमा एकदिने मंगोलवाद सम्बन्धी प्रशिक्षण कार्यक्रम सम्पन्न भएको छ । उक्त कार्यक्रम एम. एन. ओ. बुद्धशान्ति गाउँसभा अध्यक्ष मोहनसिंह लिम्बूको सभाध्यक्षतामा एवं एम. एन. ओ. केन्द्रिय सर्वोच्च सभा सदस्य अक्कल तामाङ ज्युको प्रमुख आतिथ्यतामा सम्पन्न भएको हो । कार्यक्रममा विशिष्ट अतिथिमा एम. एन. ओ. केन्द्रिय सदस्य मंगलसिंह लिम्बू रहनु भएको थियो भने अतिथिहरुमा जिल्ला सभा झापाका सचिव सागर दर्जी, प्रचारप्रसार सचिव भानु धिमाल , जिल्ला सदस्यहरु राम चेम्जोङ र डिल्ली योङहाङ रहनुभएको थियो ।
कार्यक्रममा अतिथिद्वय डिल्ली योङहाङ र भानु धिमालले मन्तव्य राख्नुभएको थियो भने अतिथि सागर दर्जीले मंगोलवाद सम्बन्धी प्रशिक्षण प्रदान गर्नुभएको थियो । त्यसैगरी कार्यक्रममा विशिष्ट अतिथि मंगलसिंह लिम्बूले पनि मन्तव्य राख्नुभएको थियो । कार्यक्रमलाई सम्बोधन गर्दै प्रमुख अतिथि अक्कल तामाङले अबको समय मूलबासी मंगोलहरुले आफ्नो हक, अधिकार र अस्तित्व प्राप्तिको लागि मंगोल नेशनल अर्गनाइजेशनमा आवद्ध हुनुपर्ने र चुनाव चिन्ह कुखुराको भालेमा मतदान गर्नुपर्ने कुरामा जोड दिनुभयो । उक्त कार्यक्रम बुद्धशान्ति गाउंसभा सचिव समीर सुब्बाले सञ्चालन गरेका थिए ।
Copyright © 2020 Mongol Vision. All Rights Reserved.
Powered by : Dradtech Technology