Mongol Vision News | 8 फेब्रुअरी 2020
भद्रपुर/ मंगोल नेशनल अर्गनाइजेशन भद्रपुर नगर सभाको सक्रीयतामा वडा नम्बर २ महारानी चौकमा टोल सभा गठन भएको छ ।
8 फेब्रुअरी शनिवारको दिन एमएनओ भद्रपुर नगर अध्यक्ष जयेन मगरको सभाध्यकतामा सम्पन्न मंगोल राष्ट्रवाद सम्बन्धी एकदिने खुल्ला प्रशिक्षण कार्यक्रमको अवसरमा उक्त टोल सभा गठन भएको हो । जसको संयोजकमा ओम बहादुर मगर चयन भएको छ । त्यस्तै सचिवमा भोजराज थापा मगर र अन्य सदस्यहरुमा हेम कुमारी नेम्बाङ, चन्द्र बहादुर मगर, धनमाया दर्जी र खडक बहादुर मगर चयन भएका छन् । एमएनओ भद्रपुर नगर सभा सचिव अर्जुन लोवाले सन्चालन गरेको उक्त प्रशिक्षण कार्यक्रममा अध्यक्ष जयेन मगरले लिखित तथा मौखिक रुपमा प्रशिक्षण प्रदान गरेका थिए ।
उक्त प्रशिक्षण कार्यक्रममा कोषाध्यक्ष सुवास इधिङ्गोले स्वागत मन्तव्य राखेका थिए भने नगर सदस्यहरु सोनाम तामाङ, संतोष लिम्बूको पनि उपस्थिति रहेको थियो । प्रशिक्षण कार्यक्रममा प्रशिक्षक मगरले मानव अस्तित्व लगायत नेपालको वास्तविक समस्या माथी ओझेल पारिएको शाब्दिक षड्यन्त्र आदिवासी जनजाती र मूलवासी शव्दबारे प्रष्ट पारेका थिए ।
Copyright © 2020 Mongol Vision. All Rights Reserved.
Powered by : Dradtech Technology