झापा / मंगोल नेशनल अर्गनाइजेशन भद्रपुर -३ वडा सभाको आयोजनामा झापाको भद्रपुर स्थित रंगिला चोकमा एकदिने मंगोलवाद सम्बन्धी प्रशिक्षण कार्यक्रम सम्पन्न भएको छ । उक्त कार्यक्रम वडा सभाका अध्यक्ष अम्बर बहादुर राईको सभाध्यक्षतामा  एवं एम. एन. ओ. केन्द्रिय सर्वोच्च सभा सदस्य सान मेचे ज्युको प्रमुख आथिथ्यतामा सम्पन्न भएको थियो । कार्यक्रममा विशिष्ट अतिथि जिल्ला सभा झापाका सचिव सागर दर्जी रहनुभएको थियो भने अतिथिहरुमा जिल्ला सदस्य जयेन मगर र भद्रपुर नगरसभा अध्यक्ष रावण मंगोल रहनुभएको थियो । कार्यक्रममा सागर दर्जीले मन्तव्य राख्नुभएको थियो भने प्रमुख अतिथि मेचेले मंगोलवाद सम्बन्धी प्रशिक्षण प्रदान गर्नुभएको थियो । स्थानीय लोक समुदायहरुको सौहार्दपूर्ण उपस्थितिमा सम्पन्न उक्त कार्यक्रम भद्रपुर नगरसभाका सचिव रेवत मगरले कार्यक्रम सञ्चालन गरेका थिए ।