झापा/ मंगोल नेशनल अर्गनाइजेशन भद्रपूर नगरसभाको आयोजनामा एकदिने कार्यकर्ता प्रशिक्षण कार्यक्रम सम्पन्न भएको छ । उक्त कार्यक्रम 
एम. एन. ओ. भद्रपूर नगर सभाध्यक्ष रावण मंगोलको सभाध्यक्षतामा एवं एम. एन. ओ. केन्द्रिय  सदस्य सान मेचे ज्युको प्रमुख आतिथ्यतामा सम्पन्न भएको हो । त्यसैगरी कार्यक्रममा विशिष्ट अतिथिको रुपमा १४ औं झापा जिल्ला अधिवेशन मूल आयोजक सभा सदस्य सागर दर्जी हुनुहुन्थ्यो । 
        कार्यक्रममा सागर दर्जीले मन्तव्य राख्नुभएको थियो भने प्रमुख अतिथि मेचेले उपस्थित सम्पूर्णमा नेतृत्व विकास तथा क्षमता अभिवृद्धि सम्बन्धी सम्बन्धी प्रशिक्षण प्रदान गर्नुभएको थियो । प्रशिक्षणको दौरानमा उहाँले नेतृत्व साहस , धैर्यता र संघर्षको निरन्तरताबाट निर्माण हुने कुरामा जोड दिनुभयो ।  नगरसभाका कार्यकर्ताहरुको उपस्थितिमा सम्पन्न उक्त कार्यक्रममा नगरसदस्य रञ्जित लिम्बूले स्वागत मन्तव्य राख्नुभएको थियो भने नगर सचिव रेवत मगरले कार्यक्रम सञ्चालन गर्नुभएको थियो ।