मोरङ/ मंगोल नेशनल अर्गनाइजेशन मोरङ जिल्ला सभा र उर्लाबारी १ नम्बर वडा सभाको संयुक्त आयोजनामा बलजीत लिम्बूको अध्यक्षतामा मंगोल राष्ट्रवाद सम्बन्धि एकदिने खुल्ला प्रशिक्षण कार्यक्रम सम्पन्न भएको छ
।
आज 9 डिसेम्बरका दिन लक्ष्मीझार टोलमा सम्पन्न प्रशिक्षण कार्यक्रममा संगठनका केन्द्रीय सचीव सन्तोष तामाङको प्रमुख आतिथ्यता रहेको थियो । यसैगरी संगठनका वैकल्पिक केन्द्रीय सदस्य देबेन्द्र साम्पाङ विशिष्ट अतिथि रहेको थियो । कार्यक्रममा उपस्थित मंगोलप्रेमी महानुभावहरुलाई प्रमुख अतिथी तामाङले आदिवासी जनजाती, मंगोल र मूलवासी शब्दबारे प्रष्ट पार्नुहुदै मंगोल राष्ट्रवाद सम्बन्धि प्रशिक्षण प्रदान गर्नु भयो भने विशिष्ट अतिथी साम्पाङले पनि उपस्थित भेलालाई सम्बोधन गर्नुहुदै मंगोल नेशनल अर्गनाइजेसनमा एक हुनुको विकल्प नरहेको बताउनु भयो । कार्यक्रमलाई मोरङ जिल्ला सचीव धनराज लिम्बूले सञ्चालन गरेका थिए ।