Mongol Vision News | 25 नोभेम्बर 2019
पोखरा / मंगोल नेशनल अर्गनाइजेसन जिल्ला सभा कास्कीको आयोजनामा November 23, 2019 मा चुनाव प्रचारप्रसार संगै पोखरा महानगरसभा अन्तर्गत वडा नम्बर - १६ , वडा सभा गठन भएको छ ।
कार्यक्रममा सभाअध्यक्ष कास्की जिल्ला कोषाध्यक्ष टेक राना मगर ज्युले गर्नुभएको थियो भने प्रमुख प्रशिक्षकमा कास्की क्षेत्र नं २ का प्रतिनिधिसभा सदस्यका उम्मेदवार रियाज गुरुङ्ग हुनुहुन्थ्यो । त्यस्तै अन्य अतिथिहरुमा एमएनओ केन्द्रीय सभा सदस्य गंगा खपाङ्गी ज्यु साथै विशिष्ट अतिथिहरुमा एमएनओ गण्डकी प्रदेश सभाका प्रचार प्रसार सचिव भिम गुरुङ रहनुभएको थियो । विभिन्न टोलबाट उपस्थिति भएका बुद्धिजीवी मंगोल शुभचिन्तकहरुलाई कार्यक्रमका मुख्य प्रशिक्षक गुरुङ्गले आफ्नो मंगोल अस्तित्व बारेमा प्रस्ट्याउदै आफ्नो उम्मेदवारी यो मुलुकमा जिउँदै मरे सरह बाँच्नु विवश पारीएका अहिन्दु मुलवासी मंगोल समुदायलाई शिर ठाडो गरेर जिउँदो बचाई र अर्थपूर्ण मराईको निम्ति भएको बताउनुभएको थियो । साथै लिला तामाङको अध्यक्षतामा पोखरा महानगरपालिका वार्ड न- १६ मा , १७ सदस्यीय वडासभा गठन भएको छ ।
Copyright © 2020 Mongol Vision. All Rights Reserved.
Powered by : Dradtech Technology