चितवन/ मंगोल नेशनल अर्गनाईजेशन जिल्ला सभा चितवनको आयोजनामा भरतपुर-११ मुक्तिनगर गुरुङ मगर समाजको सभाहलमा २८औँ विश्व मूलवासी दिवस  कार्यक्रम सम्पन्न भएको छ ।
     ९ अगस्टका दिन सम्पन्न उक्त कार्यक्रम एम.एन.ओ. चितवन जिल्ला सभा अध्यक्ष टेक बहादुर तामाङको सभाध्यक्षतामा एवं संगठनका केन्द्रिय प्रचारप्रसार सचिव मणि पापोको प्रमुख आतिथ्यतामा सम्पन्न भएको हो । कार्यक्रममा विशिष्ट अतिथि बागमती प्रदेश सभाका सदस्य प्रदीप गुरुङ  रहनुभएको थियो । 
 जिल्ला सभाका सल्लाहकार पुर्ण ब. राई र बिसन मगर, विशिष्ट अतिथी प्रदिप गुरुङले शुभकामना मन्तव्य राख्नुभएको थियो । कार्यक्रमलाई सम्बोधन गर्दै प्रमुख अतिथी मणि पापोले नेपालका मूलबासी मंगोलहरुलाई आदिवासी, जनजाती र दलितको विल्ला भिराएर संवैधानिक रुपमा नै विभेद गरेको कुरा जगजाहेर गराउँदै सम्पूर्ण मूलबासी मंगोलहरु मंगोल नेशनल अर्गनाइजेशनमा आवद्ध हुनुपर्ने कुरामा जोड दिनुभयो । उक्त कार्यक्रम चितवन जिल्ला सभाका सचिब फईन्द्र गुरुङले सञ्चालन गरेका थिए ।