Lassim Hang Mongol | 9 जनवरी 2019
काठमाडौं/ मंगोल नेशनल अर्गनाइजेशनका केन्द्रीय प्रवक्तता एवम् मंगोल भिजन राष्ट्रिय साप्ताहिक पत्रीकाका सम्पादक दिलिप धिमाल र केन्द्रीय सदस्य एवम् केन्द्रीय कार्यलय सचिव रिन्छेन दोर्जे तामाङ अन्तर्राष्ट्रिय मंगोल एकता समाजको दोश्रो अधिवेशन साथै तमु ल्होसारको उपलक्ष्यमा वृहत सांस्कृतिक कार्यक्रमको निमन्त्रणामा आज साँझ युएई प्रस्थान गरेका छन् ।
केन्द्रीय नेताद्धयलाई संगठनका केन्द्रीय प्रेसिडेण्ट बुद्धलाल मेचेले खादा ओढाएर विदाई गर्नु भयो भने विभिन्न जिल्ला सभा सदस्यहरूले पनि खादा ओढाएर दुवै नेतालाई विदाई गरे ।
जनवरी ११ मा युएईको Cruise Bar Temple मा हुने उक्त कार्यक्रममा संगठनका केन्द्रीय प्रवक्ता एवम् मंगोल भिजन राष्ट्रिय साप्ताहिक पत्रीकाका सम्पादक दिलिप धिमालको प्रमुख आतिथ्यता र केन्द्रीय सदस्य एवम् केन्द्रीय कार्यलय सचिव रिन्छेन दोर्जे तामाङको विशिष्ट आतिथ्यता रहनेछ । कार्यक्रममा मंगोल वंशज तमु समुदायको महान पर्व ल्होसारको उपलक्ष्यमा विभिन्न साँस्कृतिक प्रस्तुति पनि रहने प्रवास सभा युएईका अध्यक्ष अमर धिमालले मंगोल भिजन.Com लाई बताए ।
Copyright © 2020 Mongol Vision. All Rights Reserved.
Powered by : Dradtech Technology