मोरङ/ मंगोल नेशनल अर्गनाईजेशन पथरीशनिश्चरे नगर सभा मोरङले नेपालका प्रथम लोकतन्त्रवादी नेता युग पुरूष अमर ड.गोपाल गुरूङ ज्युको ८६ औ जन्मोत्सव भव्यताका साथ मनाएको छ ।

कोभिड-१९ को कारण जन्मोत्सव कार्यक्रम नगर सभाले आफ्नै कार्यलयको सभा हलमा मनाएको हो । नगर सभा अध्यक्ष टेकबहादुर मगरको सभाध्यक्षतामा सम्पन्न उक्त कार्यक्रममा मोरङ जिल्ला सदस्य डम्बर बल तामाङ ज्युको प्रमुख आतिथ्यता रहेको थियो । कार्यक्रमलाई सम्बोधन गर्नुहुदै प्रमुख अतिथि तामाङले यो देशको मूलवासि मंगोलहरूको लागि आजको दिन मंगोलहरूको मुक्तीदाता, मानव अधिकारवादि, लोकतन्त्रवादि महामानव युगपुरूष अमर ड.गोपाल गुरूङ मुलवासिहरूको निम्ति यस भुमिमा जन्म लिनुभएकोले निक्कै नै महत्वपुर्ण र पबित्र दिन रहेको बताउनु भयो । सम्बोधनकै क्रममा उहाँले अब चाडै नै मंगोलको शासन सत्ता आउने र देशले विकाशको फड्को मार्ने बताउनु भयो । कर्यक्रममा नगर सह-सचिव गणेश प्रसाद घले गुरूङले पनि आफ्नो भनाई राख्नुभएको थियो भने उक्त कार्यक्रम नगर सचिव बिक्रम फेम्बु लिम्बुले सञ्चालन गर्नुभएको थियो ।