काठमाण्डु/ मंगोल नेशनल अर्गनाइजेशन केन्द्रीय सभा काठमाण्डुले आर्थिक बर्ष 2077/078 को आफ्नो दलको आयव्यय विवरण लेखा परिक्षक द्वारा परिक्षण गराइ निर्वाचन आयोग समक्ष बुझाएको छ ।

दलको तर्फबाट संगठनका केन्द्रीय सभाका मुलसचिव थम्मन बहादुर बुढा मगर, केन्द्रीय कोषाध्यक्ष आङदावा शेर्पा तथा केन्द्रीय सदस्य एवं सर्वोच्च सभाका सदस्य रिन्छेन तामाङको टोलिले सोमबार काठमाण्डुको कान्तिपथमा रहेको आयोग पुगेर उक्त आयव्यय विवरण बुझाएको केन्द्रीय सदस्य तामाङले मंगोल भिजन साप्ताहिकलाई बताउनु भयो । हरेक वर्ष निर्वाचन आयोगले आयोगमा दर्ता भएको राजनीतिक दलहरुलाई आयव्यय बुझाउन परिपत्र गर्ने गर्दछ । त्यही परिपत्रको आधारमा दलहरुले आ-आफ्नो वार्षिक आयव्यय बुझाउने गर्दछ ।