Mongol Vision News | 10 फेब्रुअरी 2020
रुपन्देही/ मंगोल नेशनल अर्गनाइजेशन रुपन्देही जिल्ला सभाको ऐतिहासिक तेस्रो जिल्ला अधिवेशन आगामी अप्रील 25 तारिखका दिन हुने तय भएको छ ।
एमएनओ रुपन्देहीको तेस्रो जिल्ला अधिवेशन मूल आयोजक सभाले आज एक प्रेस विज्ञप्ति जारी गर्दै आगामी अप्रील 25 तारिखका दिन अधिवेशन हुने मिति सार्वजनिक गरेको छ । गत जनवरी 20 तारिखका दिन बसेको रुपन्देही जिल्लाको नियमित बैठकले उक्त निर्णय पारित गरेको थियो । त्यसैगरी सोही निर्णय पारित संगै एमएनओ रुपन्देही जिल्ला सभा विघटन गरि तेस्रो जिल्ला अधिवेशन मूल आयोजक सभा खडा गरेको थियो । संगठनको विधान अनुसार जिल्ला सभाको कार्यकाल २ वर्षको अवधी रहेकोले संगठनको विधान भित्र रहेर उक्त तेस्रो जिल्ला अधिवेशनको व्यापक तयारीमा जुटेको रुपन्देही तेस्रो जिल्ला अधिवेशन मूल आयोजक सभा संयोजक खड्ग मास्किले बताए ।
Copyright © 2020 Mongol Vision. All Rights Reserved.
Powered by : Dradtech Technology