Mongol Vision News | 14 मार्च 2020
पाँचथर/ पाँचथरको फिदिम नगरपालिका वडा नम्बर ७ स्थित रानिटारमा मंगोल नेशनल अर्गनाइजेशन फिदिम नगरपालिका वडा नम्बर ७ वडा सभाको कार्यलय उदघाटन कार्यक्रम सम्पन्न भएको छ ।
14 मार्च शनिबारका दिन एमएनओ फिदिम नगरपालिका वडा नम्बर ७ का अध्यक्ष जलकुमार गुरुङको सभाध्यता र संगठनका केन्द्रीय सदस्य एवम् अनुशासन विभाग संयोजक गणेश चम्लिङको प्रमुख आतिथ्यतामा उक्त कार्यलय उदघाटन भएको हो । कार्यक्रममा विशिष्ट अतिथिको रुपमा केन्द्रीय सांस्कृतिक सभा संयोजक सुर्य गुरुङ र केन्द्रीय सदस्य देव माक्रेहाङ रहनु भएको थियो । एमएनओ पाँचथर जिल्ला सभा सदस्य राज मंगोलको स्वागत मन्तव्य संगै औपचारिक रुपमा सन्चालन भएको कार्यक्रममा प्रमुख अतिथी चाम्लिङले रिबन काटेर वडा सभा कार्यलय उदघाटन गर्नुभएको थियो ।
कार्यक्रममा केन्द्रीय सदस्य दिनेश गुरुङ, एमएनओ प्रदेश नम्बर एकका अध्यक्ष भास्कर चाम्लिङ, एमएनओ झापा जिल्ला अध्यक्ष एवम् मंगोल भिजन राष्ट्रीय साप्ताहिकका प्रमुख समाचारदाता लासिम हाङ मंगोल र पाँचथर जिल्ला सल्लाहकार राम तुम्रोक लगायतको आतिथ्यता रहेको थियो । रानिटारका स्थानीय मूलवासी मंगोल लोक समुदायको उल्लेखनिय उपस्थिति रहेको कार्यक्रममा अतिथिहरु राम तुम्रोक, लासिम हाङ मंगोल, भास्कर चाम्लिङ, देव माक्रेहाङ, सुर्य गुरुङ र गणेश चाम्लिङले शुभकामना मन्तव्य व्यक्त गर्नु भएको थियो ।
Copyright © 2020 Mongol Vision. All Rights Reserved.
Powered by : Dradtech Technology