"रुपन्देही / मंगोल नेशनल अर्गनाइजेसनका फाउण्डर प्रेसिडेन्ट युगपुरुष अमर डा गोपाल गुरुङज्यु ८४औं जन्मोत्सव रुपन्देही जिल्ला सभा तथा छिमेकी जिल्ला सभाहरु कपिलवस्तु र नवलपरासीले संयुक्तरूपमा विभिन्न कार्यक्रमका साथ मनाएका छन् । मंगोल नेशनल अर्गनाइजेसन जिल्ला सभा रुपन्देहीको अफिसमा तिनै जिल्लाका प्रतिनिधिहरु जम्मा भइ विभिन्न कार्यक्रमका साथ ८४औं जन्मोत्सव मनाएका थिए । संयुक्त रूपमा मनाउनु अघि तिनवटै जिल्ला सभा अन्तर्गतका विभिन्न वडा सभा ,गाउँसभा र नगरसभाहरुले पनि आ-आफ्नै तरिकाले औपचारिक रूपमा जन्मोत्सव मनाएका थिए । उक्त जन्मोत्सव कार्यक्रमकमा प्रमुख अथितीमा एमएनओ केन्द्रिय सर्वोच्च सभा सदस्य तथा अनुशासन सभा सदस्य कल्पना थापामगर (सुमानिङ्ग मंगोल ) बिशिस्ट अथितिमा केन्द्रीय सर्वोच्च सभा सदस्य तथा आर्थिक बिभाग सदस्य केशु रासकोटी रहनु भएको थियो ।

अन्य अतिथिहरुमा केन्द्रिय सदस्यहरु फम्फा संजाली मगर ,बुधमाया थापामगर ,भिम राना मगर र राज छ्न्त्यालको पनि उपस्थिति रहेको थियो । यस्तै प्रदेश सभाबाट जन प्रसाद मिठुन ,पुर्ण बहादुर आले मगर, बुद्धि सागर थारु , कर्ण बहादुर गुरुङ ,देवराज गुरुङ , सुमित्रा थापामगर , कपिलवस्तु जिल्ला सभाबाट ज्ञान बहादुर थापामगर नवलपरासीबाट खड्ग लिम्बु र बुटवल उपमहानगर नगरसभाबाट जीप पुन मगरको उपस्थिति रहेको थियो । मेख बहादुर गाहा मगरले स्वागत मन्त्यव्य राख्नु भएको उक्त जन्मोत्सव कार्यक्रम रुपन्देही जिल्ला सभा सचिव सन्तोष बि• क•ले संचालन गरेका थिए ।