गोर्खा/ मंगोल नेशनल अर्गनाइजेशन जिल्ला सभा गोर्खाको सकृयतामा जिल्लाको सिरान चोक गाउँ सभा गठन भएको छ ।

 29 जनवरी मंगलबारका दिन सेवाराज गुरुङको अध्यक्षता र संगठनका केन्द्रीय सदस्य सोम बहादुर तमुको प्रमुख आतिथ्यतामा एक प्रशिक्षण कार्यक्रमको बीच पन्ध्र सदस्यीय सिरानचोक गाउँ सभा गठन भएको हो । कार्यक्रममा विशिष्ट अतिथिमा मंगोल नेशनल अर्गनाइजेशन गण्डकी प्रदेश सभाका सचिव देव बहादुर थापा मगर (महेन्द्र मंगोल) रहनु भएको थियो । सिरानचोक गाउँ सभाका अध्यक्ष, सचिव, कोषाध्यक्ष र सहसचिवमा क्रमशः उत्तम गुरुङ, लुरे गुरुङ, कुमार गुरुङ र बिमला गुरुङ रहेका छन् । त्यसैगरी सदस्यहरुमा ओम बहादुर गुरुङ, मोहन सिंह तामाङ, यम बहादुर गुरुङ, चुक बहादुर गुरुङ, भक्त सिंह गुरुङ, थम बहादुर गुरुङ, बिकास गुरुङ, डिल बहादुर गुरुङ, दुर्गा गुरुङ, एक माया गुरुङ र सुस्मिता गुरुङ रहेका छन् । यसैबीच कार्यक्रमका प्रमुख अतिथी सोम बहादुर तमुले उपस्थित मंगोलप्रेमी महानुभावहरुलाई मानव अस्तित्व लगायत राजनितीक समसामयिक विषय र सांगठनिक प्रशिक्षण प्रदान गर्नु भएको थियो । साथै नवगठित पदाधिकारीहरुलाई पद तथा गोपनियताको सपथ ग्रहण पनि गराउन भयो । त्यस्तै कार्यक्रमका विशिष्ट अतिथी देव बहादुर थापा मगरले नवगठित गाउँ सभाका सम्पुर्ण पदाधिकारीहरुलाई शुभकामना व्यक्त गर्नु भएको थियो भने बुद्धिराज तामाङले स्वागत मन्तव्य राखेका थिए ।