इलाम / मंगोल नेशनल अर्गनाइजेशन इलाम जिल्ला सभाको पहलमा सूर्योदय नगरपालिका - १२ जर्सिङ गाउँमा एकदिने मूलवासी मंगोल विषयक प्रशिक्षण कार्यक्रम सम्पन्न भएको छ ।

चैत २ गते सूर्योदय नगरपालिका वडा नं. १२ वडा सभाका अध्यक्ष दिलिप कुमार राईको सभाध्यक्षता र संगठनका केन्द्रीय वरिष्ठ सदस्य दिलिप याङमा राईको प्रमुख अातिथ्यता साथै केन्द्रीय सदस्य राजन चाम्लिङ राईको विशिष्ट अातिथ्यतामा प्रशिक्षण कार्यक्रम सम्पन्न भएको छ । त्यस्तै अतिथिमा इलाम जिल्ला सभाका अध्यक्ष प्रेम बम्जन रहनुभएको थियो ।

कार्यक्रममा मूलवासी मंगोलहरुको उल्लेख्य उपस्थिति रहेको कार्यक्रमलाई कार्यक्रमका विशिष्ट अतिथि साथै मुख्य प्रशिक्षक राजन चाम्लिङले एमएनको सांगठनिक साथै मूलवासी मंगोलको विषयमा प्रशिक्षण प्रदान गर्नु भएको थियो । त्यस्तै कार्यक्रममा प्रमुख अतिथि दिलिप याङमा र अतिथि प्रेम बम्जनले समेत अा - अाफ्नो धारणा राख्नुभएको थियो । उक्त कार्यक्रमलाई वडा सचिव जानुका राई सञ्चालन गरेकी थिइन् ।