इलाम/ मंगोल नेशनल अर्गनाइजेशनको ऐतिहासिक जिल्ला इलाम जिल्ला सभाको माङसेबुङ गाउँपालिका स्थित वडा नम्बर चार सिङफेरे टोलमा मंगोल राष्ट्रवाद सम्बन्धि एकदिने प्रशिक्षण कार्यक्रम सम्पन्न भएको छ । १७ गते सोमबारका दिन माङसेबुङका स्थानिय मंगोलप्रेमी लोक समुदायको मंगोल राष्ट्रवाद प्रतिको उत्कण्ठामा स्थानीय पन्चमान लिङदेनको सक्रियतामा कमल लिम्बूको सभाध्यक्षतामा उक्त प्रशिक्षण कार्यक्रम सम्पन्न भएको थियो । कार्यक्रममा संगठनका केन्द्रीय सदस्य सुरज फोम्बो प्रमुख अतिथी तथा मुख्य प्रशिक्षकको रुपमा रहनु भएको थियो ।

     प्रशिक्षणकै क्रममा फोम्बोले मानव अस्तित्व लगायत आदिवासी जनजाती र मूलवासी मंगोल शव्दप्रती प्रष्ट्याउदै हाम्रो मानव अस्तित्व कुनै जातजाति नभएर विश्व विज्ञान र मानव शास्त्रले पुष्टि गरेको "मंगोल" रहेको बताउनु भयो । त्यसैगरी आदिवासी जनजाती शब्द यतिबेला चर्चित शब्द रहेता पनि यसको असर त्यत्तिकै गहिरो रहेको बताउनु भयो । बाहुन क्षेत्रीले हामिलाई आदिवासी जनजाती बनाउनु देश विहिन शरणार्थी बनाउने षड्यन्त्र रहेको बताउनु भयो । हाम्रो वास्तविक अस्तित्वको कुरा मोडिदिन यतिबेला पहिचान शव्दलाई अगाडी बढाईरहेको बेला अस्तित्व र पहिचानमा रनभुल्ल नपरी अस्तित्वको लडाइँ लड्नुपर्ने कुरामा फोम्बोले जोड दिनु भएको थियो ।