Mongol Vision News | 8 सेप्टेम्बर 2019
इलाम / मंगोल नेशनल अर्गनाइजेशन जिल्ला सभा इलामको सक्रियतामा माई नगर पालिका वडा नम्बर -4 दानाबारिमा मंगोल राष्ट्रबाद सम्बन्धि एकदिने प्रशिक्षण कार्यक्रम सम्पन्न भएको छ । 7 सेप्टेम्बर 2019 का दिन एमएनओ जिल्ला सभा इलामको माई नगर 4 नम्बर वडा सभा दानाबारिमा उक्त कार्यक्रम सम्पन्न भएको हो । एमएनओ माई नगर सभाध्यक्ष चन्द्र फागोको सभाध्यक्षता र एमएनओ केन्द्रीय प्रचार सचीव मणि पापो लिम्बूको प्रमुख आतिथ्यतामा कार्यक्रम सम्पन्न भएको थियो । कार्यक्रममा विशिष्ट अतिथिमा एमएनओ केन्द्रीय सदस्य सान बहादुर मेचे र अतिथिमा एमएनओ प्रदेश नम्बर -1 सभाका अध्यक्ष भाष्कर चाम्लिङको उपस्थिति रहेको थियो । कार्यक्रममा प्रमुख अतिथि पापोले एमएनओको मुख्य एजेण्डा र वर्तमान परिवेशको राजनिति उतारचढावको विषयमा प्रष्ट पार्नुहुँदै प्रशिक्षण प्रदान गर्नुभएको थियो । उक्त कार्यक्रम माई नगर सभा सहसचिव विजय एक्तेनले सञ्चालन गर्नुभएको थियो ।
Copyright © 2020 Mongol Vision. All Rights Reserved.
Powered by : Dradtech Technology