झापा / मंगोल नेशनल अर्गनाइजेशन कमल गाउँसभाको आयोजनामा कमल -१ स्थित बाँसबारीमा एकदिने मंगोलवाद सम्बन्धी प्रशिक्षण कार्यक्रम सम्पन्न भएको छ । उक्त कार्यक्रम कमल गाउँसभा अध्यक्ष हिजन राईको सभाध्यक्षतामा एवं एम. एन. ओ. प्रवक्ता दिलिप धिमाल ज्युको प्रमुख आतिथ्यतामा सम्पन्न भएको हो । कार्यक्रममा विशिष्ट अतिथिमा जिल्ला सभा झापा सचिव सागर दर्जी रहनुभएको थियो भने अतिथिहरुमा झापा जिल्ला सदस्य प्रेम लिम्बू र दमक नगरसभा अध्यक्ष दिपेश राई रहनुभएको थियो । कार्यक्रममा उपस्थित लोकसमुदायहरुलाई विशिष्ट अतिथि सागर दर्जीले  मंगोलवाद सम्बन्धी प्रशिक्षण प्रदान गर्नुभएको थियो । कार्यक्रमलाई सम्बोधन गर्ने क्रममा प्रमुख अतिथि धिमालले अबको समय लोकतन्त्र, धर्मनिरपेक्ष र पान्तीय सरकारलाई संस्थागत गर्दै मुलुकको दिगो विकास र उन्नतिको निमित्त मंगोल नेशनल अर्गनाइजेशनको टड्कारो आवश्यकता रहेकोले आउँदो चुनावमा कुखुराको भालेमा मतदान गर्न सबैमा आव्हान गर्नुभयो । स्थानीय लोकसमुदायहरुको सौहार्दपूर्ण उपस्थिमा सम्पन्न उक्त कार्यक्रममा गाउँसभाका प्रचाप्रसार सचिव रञ्जन चाम्लिङले स्वागत मन्तव्य राख्नुभएको थियो भने गाउँसभा सचिव विजयराज लिम्बूले कार्यक्रम सञ्चालन गर्नुभएको थियो ।