Mongol Vision News | 21 जनवरी 2020
झापा/ मंगोल नेशनल अर्गनाइजेशन बुद्धशान्ती गाउँसभाको सक्रियतामा बुद्धशान्ती वडा नम्बर -४ मा मंगोल राष्ट्रवाद सम्बन्धी एकदिने खुल्ला प्रशिक्षण कार्यक्रम सम्पन्न भएको छ ।
आज दिनांक 21 जनवरी मंगलबारका दिन एमएनओ बुद्धशान्ती गाउँसभाका अध्यक्ष छत्र लिम्बूको सभाध्यक्षमा सम्पन्न उक्त प्रशिक्षण कार्यक्रममा संगठनका केन्द्रीय सचिव सन्तोष तामाङको प्रमुख आतिथ्यता रहेको थियो । त्यसैगरी संगठनका केन्द्रीय सर्वोच्च सभाका सदस्य सान मेचे, केन्द्रीय सल्लाहकारद्धय पदम नेम्बाङ, धनबहादुर राई विशिष्ट अतिथिको रुपमा रहनु भएको थियो । त्यस्तै कार्यक्रममा प्रमुख अतिथि र विशिष्ट अतिथी मेचेले संयुक्त रुपमा लिखित तथा मौखिक प्रशिक्षण प्रदान गर्नु भएको थियो ।
प्रशिक्षण कार्यक्रम पछि संगठनमा धेरै लामो समय देखि आस्था राख्दै आउनु भएका स्थानिय मंगोलप्रेमी महानुभावहरुले संगठनबारे अझ स्पष्ट हुन पाएको बताउनु भएको थियो । कार्यक्रममा एमएनओ प्रदेश नम्बर एकका सदस्य खड्ग स्याङ्बो लगायत झापा जिल्ला सभाका अध्यक्ष लासिम हाङ मंगोल र बुद्धशान्ती गाउँसभाका सदस्य बादल मोक्ताकोको पनि उपस्थिति रहेको थियो । उक्त प्रशिक्षण कार्यक्रम लासिम हाङ मंगोलले सन्चालन गरेका थिए ।
Copyright © 2020 Mongol Vision. All Rights Reserved.
Powered by : Dradtech Technology