झापा/ मंगोल नेशनल अर्गनाइजेशन झापा जिल्ला सभाको सक्रियतामा बुद्धशान्ती गाउँपालिका वडा ४ बाँझो खेतमा मंगोल राष्ट्रवाद सम्बन्धि एकदिने खुल्ला प्रशिक्षण कार्यक्रम सम्पन्न भएको छ । 30 अगष्ट शनिबारका दिन धनबहादुर राईको सभाध्यक्षतामा सम्पन्न प्रशिक्षण कार्यक्रममा स्थानिय मंगोलप्रेमी महानुभावहरुको उपस्थिति रहेको थियो ।

कार्यक्रममा संगठनका केन्द्रीय सदस्य सान बहादुर मेचेको प्रमुख आतिथ्यता रहेको प्रशिक्षण कार्यक्रममा प्रमुख अतिथी मेचेले उपस्थीत महानुभावहरुलाई मानव अस्तित्व लगायत सांगठनिक विषयमा प्रशिक्षण प्रदान गर्नुभएको थियो । प्रशिक्षणकै क्रममा उहाँले यो देशको वास्तविक मूलवासी समस्त चिम्रे, नेप्टे, थेप्चे मंगोलहरुको मुक्तिको लागि अबको अन्तिम विकल्प एमएनओ मात्र रहेको पनि बताउनु भएको थियो । मंगोल नेशनल अर्गनाइजेशन जिल्ला सभा झापा सहसचिव श्रीप्रसाद लिङखिमको स्वागत मन्तव्य संगै शुरूवात भएको कार्यक्रम मेचिनगर नगर सभाका अध्यक्ष सागर दर्जी मंगोलले कार्यक्रम सन्चालन गरेका थिए ।