झापा/ मंगोल नेशनल नेशनल अर्गनाइजेशन कमल गाउँपालिका सभाको आयोजनमा मानव अस्तित्व लगायत राजनितीक विषयमा खुल्ला प्रशिक्षण सम्पन्न भएको छ । कमल गाउँपालिकाको वडा नम्वर ४ सितापुरी मिल डाँडा स्थित कमल गाउँपालिका सभाका अध्यक्ष प्रेम बहादुर लिम्बूको सभाध्यक्ष र संगठनका केन्द्रीय सदस्य श्याम लिम्बू र वैकल्पिक केन्द्रीय सदस्य देबेन्द्र साम्पाङको विशिष्ट आतिथ्यतामा खुल्ला प्रशिक्षण कार्यक्रम सम्पन्न भएको हो । आज सम्म हामी हाम्रो लागि भन्दा पनि बाहुन क्षेत्रीको भावी सन्ततिको उज्वल भविष्यको निम्ति ज्यानको बाजि राखि लडिरहेको छौं तर अबको समय हामिले हाम्रो भावी सन्ततिको लागि लड्नु पर्ने कुरामा प्रमुख अतिथी लिम्बूले बताउनु भयो । कार्यक्रममा संगठन र संगठनको नीति र उद्धेश्य बारेमा पनि प्रमुख अतिथी लिम्बूले प्रष्ट पार्नु भयो भने उक्त प्रशिक्षण कार्यक्रम सन्चालन लासिम हाङ लिम्बूले सन्चालन गरेको थियो ।