झापा/ मंगोल नेशनल अर्गनाइजेश जिल्ला सभा झापाको विभिन्न भेगमा २७ औं विश्व मूलवासी दिवस कार्यक्रम सम्पन्न भएको छ ।

अगष्ट 9 लाई एम एनओले विश्व मूलवासी दिवसको रुपमा मनाउँदै आईरहेको छ । यसैक्रममा झापा जिल्ला सभाको आयोजनामा मेचिनगर २ स्थित मंगोल रिसर्च सेन्टरको सभाहलमा आज एक कार्यक्रम गरि २७ औं विश्व मूलवासी दिवस भव्यताका साथ सम्पन्न भएको हो । झापा जिल्ला अध्यक्ष लासिम हाङ मंगोलको सभाध्यक्षता र प्रेसिडेण्ट बुद्धलाल मेचेको प्रमुख आतिथ्यता रहेको उक्त कार्यक्रममा संगठनका केन्द्रीय सचिव सन्तोस तामाङको विशिष्ट आतिथ्यता रहेको थियो ।

त्यसैगरी विशेष अतिथिमा वरिष्ठ केन्द्रीय सदस्य शान्तिलाल धिमाल रहनु भएको थियो । कार्यक्रममा प्रमुख अतिथी बुद्धलाल मेचे ज्युले २७ औं विश्व मूलवासी दिवस सम्म आइपुग्दा फाउण्डर प्रेसिडेण्ट युग पुरुष अमर ड.गोपाल गुरुङ ज्युले गर्नुभएको त्याग तपस्या र योगदानवारे बताउनु भयो । मन्तव्यकै क्रममा विशिष्ट अतिथी सन्तोस तामाङ ज्युले मूलवासी दिवसको स्थापना र उद्धेश्यवारे प्रष्ट पार्नुभएको थियो । झापा जिल्ला सदस्य भानु धिमालको स्वागत मन्तव्य संगै शुरुवात भएको कार्यक्रममा प्रदेश नम्बर १ का सचिव सागर राई लगायत केन्द्रीय सदस्य दिलवरी राई र वैकल्पिक केन्द्रीय सदस्य देबेन्द्र साम्पाङ ज्युले पनि मन्तव्य राख्नु भयो । कार्यक्रम एम एनओ झापा जिल्ला सचीव बानीरा मेचेले सञ्चालन गरेकी थिइन् ।

यसैगरी झापा जिल्ला सभाको भद्रपुर नगर सभामा संगठनका केन्द्रीय सदस्य श्याम लिम्बुको प्रमुख आतिथ्यतामा, कमल गाउँसभामा केन्द्रीय प्रवक्ता दिलिप धिमालको प्रमुख आतिथ्यता एवं १ नम्बर प्रदेश सभाका अध्यक्ष भास्कर चाम्लिङको बिशेष आतिथ्यतामा र इलाम चुलाचुलीमा केन्द्रीय प्रचार प्रसार सचिब मणि पापोको प्रमुख आतिथ्यतामा र केन्द्रीय सदस्य सान बहादुर मेचेको विशेष आतिथ्यतामा २७ औं विश्व मूलवासी दिवस कार्यक्रम सम्पन्न भएको छ ।