इलाम / मंगोल नेशनल अर्गनाइजेशनका केन्द्रीय प्रेसिडेण्ट बुद्धलाल मेचे यतिबेला संगठनका नेता कार्यकर्ताहरुलाई भेटघाट गर्दै गाउँगाउँमा पुगि कार्यक्रमहरुमा सहभागी भइरहनु भएको छ ।

                         प्रदेश सभा तथा जिल्ला एवम् गाउँ, नगर सभाका नेता कार्यकर्तालाई केन्द्रीय सभाको नीति निर्देशन बारेमा जागरुक बनाउँदै गाउँ अभियानमा लागि रहनु भएको छ ।

                                      यसैबीच शनिबार प्रेसिडेण्ट मेचे कार्यकर्ता भेटघाट गर्ने क्रममा इलाम पुग्नु भएको छ । उहाँले शनिबार नै इलामको सुर्योदय नगरपालिका वडा नं- १२ जर्सिङ गाउँमा त्यहाँ एमएनओका पुराना नेता कार्यकर्ताहरुलाई भेट्नु भयो र संगठन कसरी अगाडि बढिरहेको भन्ने बारेमा बताउनु भयो । त्यस्तै डा. गोपाल गुरुङको सपना साकार हुनमा इलामबासी मंगोलहरुको ठूलो हात रहेकोले संगठनले त्यस कार्यमा योगदान पुर्याएकाहरुलाई कहिल्यै नबिर्सने बताउनु भयो ।

                      १२ नं- वडा सभाले प्रेसिडेण्टको सम्मानमा आयोजना गरेको कार्यक्रममा संगठनका वरिष्ठ केन्द्रीय सदस्य दिलिप याङमाले पनि सम्बोधन गर्दै पुराना नेता कार्यकर्तालाई संगठनले सधै सम्मान गरिरहने बताउनु भयो । कार्यक्रममा प्रदेश नं= १ का सचिव सागर राईले पनि मन्तब्य राख्नु भएको थियो । केन्द्रीय प्रेसिडेण्ट बुद्धलाल मेचे आफ्नाे गाउँमा आउने कार्यक्रम रहेको जानकारी पाएपछि त्यस क्षेत्रका अहिन्दू मूलबासी मंगोल जनताहरु कार्यक्रममा उल्लेखनिय सहभागीता रहेको थियो । वडा नं= १२ का अध्यक्ष दिलिप कुमार याम्फुको अध्यक्षतामा कार्यक्रम सम्पन्न भएको थियो ।