पोखरा/ मंगोल नेशनल अर्गनाइजेसन कास्की जिल्ला सभाका कोषाध्यक्ष सुर्य तामाङको निधन भएको छ । कास्कीको पोखरा उपमहानगर पालिकाको लेक साइटमा बस्दै आउनु भएका तामाङको निमोनियाको कारण बैशाख १७ गते शुक्रबार बिहान ३ बजे निधन भएको जिल्ला अध्यक्ष रियाज गुरुङले बताउनु भयो । लामो समय देखि निमोनियाको समस्या झेल्दै आउनु भएका तामाङ लाई ३ दिन अघि पोखराको वाएस्टेन रिगोनल हस्पिटल मा भर्ना गरि आइसियुमा राखिएको थियो । त्यही नै उहाको निधन भएको हो । पुर्खौली घर खोटाङको बाह पोखरी गाउँ पालिका ३ सिपाङ भएका सुर्य तामाङ पोखरामा सम्पन्न भएको संगठनको २९ औं स्थापना दिवस कार्यक्रम बाट एम एनओमा आवद्ध भइ सक्रिय भएर लागि पर्नु भएको थियो । एक इमानदारी र निडर नेताको रुपमा रहनु भएका तामाङ को निधनले जिल्ला सभा कास्की लाई ठुलो क्षति पुगेको अध्यक्ष गुरुङले बताउनु भयो । तामाङको २ छोरा र १ छोरी रहेको छ ।