दाङ / मंगोल नेशनल अर्गनाइजेशन जिल्ला सभा र घोराही उप महानगर सभाले क्यान्सर पीडित घोराही उपमहानगर पालिका वडा नं. १२ गुरौ निबासी मंगली घर्ती मगर लाई आर्थिक सहयोग प्रदान गरेको छ । १८ अक्टोबर सोमबार जिल्ला सभा दाङका सचिब पृन्स घर्ती मगरले एक कार्यक्रमका बीच नगर १४,१०० रुपियाँ पीडितका परिवारलाई प्रदान गर्नु भएको थियो । जिल्ला सभा दाङ र घोराही उपमहानगर सभा ले संयुक्त रुपमा उक्त रकम संकलन गरेको थियो । फोक्सो सम्बन्धि क्यान्सर भएर पीडित बन्नु भएको मंगली घर्ती चितवनको भरतपुर क्यान्सर हस्पिटलमा उपचार गराइ रहनु भएको छ । आर्थिक सहयोग रकम हस्तान्तरण कार्यक्रमकै अवसर पारेर वाड न १२ मा एक दिने प्रशिक्षण कार्यक्रम समेत गरिएको छ ।घोराही उप महानगर सभाका अध्यक्ष पुर्ण बहादुर घर्तीको अध्यक्षता एबम जिल्ला सभा सचिब पृन्स घर्तीको प्रमुख आतिथ्यतामा प्रशिक्षण कार्यक्रम सम्पन्न भएको थियो । कार्यक्रममा प्रमुख अतिथि घर्ती , जिल्ला सभाका कोषाध्यक्ष मन बहादुर पुन ,सह सचिब जितन पुन सदस्य कल्पना चौधरी ,लगायतले सहभागीहरु लाई एम एनओको बारेमा बताउनु भएको थियो । प्रशिक्षण कार्यक्रममा जिल्ला सदस्य सुॠ प्रसाद पुन ,सल्लाहकार वसन्त बुढाथोकी मगर , बाल चन्द्र बुढा लगायत स्थानिय मुलबासी जन समुदायहरुको उल्लेखनीय उपस्थिति रहेको थियो ।घोराही उपमहानगर सभा का कोषाअध्यक्ष उब्जलाल घर्ती मगरले स्वागत मन्तव्य राख्नु भएको कार्यक्रम नगर सचिब अंगिता चौधरीले संचालन गरेकी थिइन ।