झापा/ मंगोल नेशनल अर्गनाइजेशन कमल -४ वडा सभाको आयोजनामा  कमल-४ स्थित एकता टोलमा एकदिने मंगोल राष्ट्रवाद सम्बन्धी प्रशिक्षण कार्यक्रम सम्पन्न भएको छ । 

उक्त कार्यक्रम एम. एन. ओ. कमल- ४ अध्यक्ष राम लाल राईको सभाध्यक्षतामा एवं एम. एन.ओ. १ नं प्रदेश सभा सदस्य लासिमहाङ मंगोलको प्रमुख आतिथ्यतामा सम्पन्न भएको हो । कार्यक्रममा विशिष्ट अतिथि एम.एन.ओ झापा जिल्ला अध्यक्ष बानिरा मेचे रहनुभएको थियो भने अतिथिहरुमा झापा जिल्ला सदस्य प्रेम लिम्बू,  कमल गाउँसभाध्यक्ष हिजन राई , कोषाध्यक्ष सुक बहादुर इधिंगो, सहसचिव राम राई, प्रचारप्रसार सचिव रञ्जन चाम्लिङ राई, सदस्य जनकराज तामाङ रहनुभएको थियो । 
                 
 कार्यक्रममा अतिथि प्रेम लिम्बू, विशिष्ट अतिथि बानिरा मेचेले मन्तव्य राख्नुभएको थियो भने प्रमुख अथिती लिम्बूले उपस्थित लोक समुदायहरुलाई मानव उत्पति, एम . एन. ओ. को राजनैतिक उद्देश्य र अवधारणाका साथै मंगोलवाद सम्बन्धी प्रशिक्षण  प्रदान गर्नुभएको थियो । प्रशिक्षणको दौरान उहाँले अबको दिनमा आफ्नो हक, अधिकार, अस्तित्व प्राप्तिको निमित्त र मुलुकको दिगो विकास र समृद्धिको निमित्त आफ्नो अमुल्य मत भाले चिन्हमा खसाल्नु पर्ने कुरामा जोड दिनुभयो । स्थानीय लोक समुदायहरुको सौहार्दपूर्ण उपस्थितिमा सम्पन्न उक्त कार्यक्रम कमल गाँउसभा  सचिव विजयहाङ लिम्बूले सञ्चालन गरेका थिए ।