झापा/ मंगोल नेशनल अर्गनाइनेशन कमल गाउँसभाको आयोजनामा कमलगाउँपालिका स्थित सानो केर्खाको बिट टोलमा एकदिने मंगोलवाद सम्बन्धी प्रशिक्षण कार्यक्रम सम्पन्न भएको छ । 
२ मार्च २०२२ का दिन सम्पन्न उक्त कार्यक्रम कमल गाउँसभा अध्यक्ष हिजन राईको सभाध्यक्षतामा एवं संगठनका १नं. प्रान्तीय सभाका सदस्य लासिमहाङ मंगोलको प्रमुख आतिथ्यतामा सम्पन्न भएको हो । 
 कार्यक्रममा विशिष्ट अतिथि प्रेम लिम्बूले मन्तव्य राख्नुभएको थियो भने प्रमुख अतिथि लासिमहाङ मंगोलले मानव उत्पत्ति, अस्तित्व र पहिचानका साथै मंगोल नेशनल अर्गनाइजेशनको राजनैतिक अवधारणा र उद्देश्यको बारेमा स्थानीय लोक समुदायलाई प्रष्ट्याउनु भएको थियो । प्रशिक्षणको दौरानमा मूलबासी मंगोलहरुको अस्तित्व र अधिकार संगै मुलुकको दिगो विकास र प्रगतिको निमित्त आगामी निर्वाचनमा कुखुराको भालेमा मतदान गर्न सबैमा आव्हान गर्नुभयो । गाउँसभा सदस्य जनक राज तामाङले स्वागत मन्तव्य राख्नुभएको उक्त कार्यक्रम प्रचारप्रसार सचिव रञ्जन चाम्लिङले सञ्चालन गरेका थिए ।