झापा / मंगोल नेशनल अर्गनाइजेशन मेचिनगर नगरसभाको आयोजनामा मेचिनगर - १ स्थित देवीगञ्जमा एकदिने मंगोल राष्ट्रवाद सम्बन्धी प्रशिक्षण कार्यक्रम सम्पन्न भएको छ । उक्त कार्यक्रम स्थानीय मंगोल शुभेच्छुक युवराज मगरको सभाध्यक्षतामा एवं एम. एन. ओ. वरिष्ठ केन्द्रिय सदस्य शान्तिलाल धिमाल ज्युको प्रमुख आतिथ्यतामा सम्पन्न भएको थियो । त्यसैगरी विशिष्ट अतिथिमा एम. एन. ओ. केन्द्रिय सदस्य सान बहादुर मेचे रहनुभएको थियो भने अतिथिमा १ नं. प्रदेश सभाका सचिव सागर राई रहनुभएको थियो । 
               कार्यक्रममा अतिथि सागर राई र विशिष्ट अतिथि सान मेचेले संयुक्त रुपमा युग पुरुष डा . गोपाल गुरुङ ज्युको जीवनी र व्यक्तित्व, मानव उत्पत्ति, अस्तित्व र पहिचान,  एम. एन. ओ. को राजनैतिक पृष्ठभुमिको विषयमा प्रशिक्षण  प्रदान गर्नुभएको थियो । कार्यक्रमलाई सम्बोधन गर्ने क्रममा प्रमुख अतिथि धिमालले अबको समयमा मंगोल युवाहरुले राजनैतिक चेतनशील बनी व्यक्तिगत स्वार्थभन्दा माथि उठेर मंगोल मुक्तिको यात्रामा अघि बढ्नुको विकल्प नरहेको कुरामा जोड दिनुभयो । स्थानीय लोक समुदायहरुको सौहार्दपुर्ण उपस्थितिमा सम्पन्न उक्त कार्यक्रम एम. एन. ओ. मेचिनगर अध्यक्ष सागर मंगोलले सञ्चालन गरेका थिए ।