झापा/ मंगोल नेशनल अर्गनाइजेशन मेचिनगर नगर सभा, झापाले आफ्नो तेस्रो नगर अधिवेशन आउँदो बैशाखमा गर्ने भएको छ ।

मेचिनगर नगर सभाको कार्यालयमा एम एनओ झापा जिल्ला सभाको सचिव बानिरा मेचेको प्रमुख आतिथ्यतामा फागुन २३ गतेका दिन बसेको बैठकले नगर सभाको तेस्रो अधिवेशन आउँदो बैशाख ११ गते गर्ने निर्णय भएको नगर सभाका अध्यक्ष सागर दर्जीले बताउनुभयो । उहाँका अनुसार कार्यक्रम धुलाबारी बजारको र्‍याली सहित परिक्रमा गर्दै धुलाबारी स्थित पासाङ ल्हामु जेसीज प्रतिष्ठानको सभाहलभित्र कार्यक्रम हुनेछ । बैठकले तेस्रो नगर अधिवेशन सम्पन्न गर्नका लागि अध्यक्ष दर्जीको संयोजकत्वमा तेस्रो मेचिनगर नगर अधिवेशन मुल आयोजक सभा निर्माण गरेको छ ।