झापा/ मंगोल नेशनल अर्गनाइजेशन मेचिनगर ३ वडा सभाको आयोजनामा मेचिनगर- ३ स्थित बौबन बेसीबजार स्थित एकदिने मुलबासी मंगोल विषयक प्रशिक्षण कार्यक्रम सम्पन्न भएको छ । उक्त कार्यक्रम मेचिनगर वडा नं. ३ का अध्यक्ष अर्पण सुनुवारको सभाध्यक्षतामा एवं एम. एन. ओ. केन्द्रिय सचिव सन्तोष तामाङ ज्युको प्रमुख आतिथ्यतामा सम्पन्न भएको थियो । त्यसैगरी विशिष्ट अतिथिमा केन्द्रिय प्रचारप्रसार सचिव मणि पापो लिम्बु हुनुहुन्थ्यो । त्यसैगरी अतिथिहरुमा इलाम जिल्ला सदस्य बुल बहादुर गुरुङ , झापा जिल्ला सदस्य भानु धिमाल , मेचिनगर नगरसभाका अध्यक्ष सागर मंगोल र ओखलढुङ्गा जिल्ला मानेभञ्ज्याङ गाउँपालिका वडा नं .४ का सभाध्यक्ष विशाल थापा मगर रहनुभएको थियो ।  
              कार्यक्रममा विशाल थापा मगर, सागर मंगोल र बुल बहादुर गुरुङले मन्तव्य राख्नुभएको थियो । कार्यक्रमलाई सम्बोधन गर्ने क्रममा विशिष्ट अतिथिद्वय मणि पापोले अबको दिनमा चुनावलाई लक्षित गरेर कार्यक्रमहरु व्यापक रुपमा अगाडि बढाउनु पर्ने कुरामा जोड दिनुभयो । कार्यक्रममा उपस्थित लोक समुदायहरुलाई केन्द्रिय सचिव सन्तोष तामाङले मानव उत्पत्ति, अस्तित्व र पहिचान आदि विषयमा प्रशिक्षण प्रदान गर्नुभएको थियो । इलाम र झापाको सिमानामा मेचिनगर र रोङ गाउँवासी लोक समुदायहरुको उपस्थितिमा सम्पन्न उक्त कार्यक्रममा स्वागतगत मन्तव्य मेचिनगर सदस्य किशोर धिमालले राखेका थिए भने कार्यक्रम सञ्चालन सागर तामाङले गरेका थिए ।