काठमाडौ / मंगोल नेशनल अर्गनाइजेशन केन्द्रिय सभाको पाँचौ नियमित  बैठक सम्पन्न भएको छ ।
१०  मार्च २०२२ फागुन २६ गते बिहिवार काठमाडौको बौद्ध स्थित याङग्रीमा होटलको सभाहलमा   सम्पन्न भएको हो ।  संगठनका केन्द्रिय प्रेसिडेन्ट बुद्धलाल मेचेको अध्यक्षतामा नियमित  बैठक  सम्पन्न  भएको  हो ।  ८० प्रतिशत  मूलबासी मंगोलहरुको अस्तित्वको  निम्ति  अगाडि  बढ्न  महत्वपूर्ण  निर्णयहरु सहित  बैठक  सम्पन्न  भएको  संगठनका केन्द्रिय  सभाका प्रवक्ता  दिलिप धिमालले जानकारी  दिनुभयो । बैठक ले संगठनका केन्द्रीय सल्लाहकार मान बहादुर राइको दु:खद निधन प्रती शोक प्रस्ताव पारित गरेको छ । त्यस्तै सचिब सन्तोष तामाङले कार्य प्रगती प्रस्तुत गर्नु भएको थियो भने कोषाध्यक्ष आङदावा शेर्पाले आर्थिक प्रतिबेदन प्रस्तुत गर्नु भयो ।

बैठकमा प्रान्तीय  सभाका अध्यक्षहरुले आ आफनो प्रदेशको प्रगती विवरण प्रस्तुत गर्नु भयो । बैठकले  आसन्न  स्थानीय  निर्वाचनमा  सफलता  हासिल गर्ने के कस्ता कार्यहरु गर्नु पर्ने बिषय केन्द्रीय पदाधिकारीहरुले गहन छलफल गर्नु भएको थियो . बैठक मुल सचिब थमन बहादुर बुढा मगरले सचालन गर्नु भएको थियो ।