mongolvision | 11 अक्टोबर 2021
मोरङ/ मंगोल नेशनल अर्गनाइजेशन मोरङ जिल्ला सभाको पहलमा तथा मिक्लाजुन गाउँ सभाको आयोजनामा मिक्लाजुङ -४ स्थित हात्तीमारा टोलमा एकदिने मंगोलवाद सम्बन्धी प्रशिक्षण कार्यकर्ता सम्पन्न भएको छ । उक्त कार्यक्रम एम. एन. ओ. मिक्लाजुङ गाउँसभाको अध्यक्ष मिलन मोक्तानको सभाध्यक्षतामा एवं एम. एन. ओ. केन्द्रिय सदस्य सुरज फोम्बो ज्युको प्रमुख आतिथ्यतामा सम्पन्न भएको हो । कार्यक्रममा विशिष्ट अतिथिको रुपमा एम. एन. ओ. झापा जिल्ला सदस्य सागर दर्जी रहनुभएको थियो भने अतिथिमा मोरङ जिल्ला सदस्य सुमन लिङ्देन रहनुभएको थियो ।
कार्यक्रममा सागर दर्जी र सुरज फोम्बोले संयुक्त रुपमा मंगोलवाद सम्बन्धी प्रशिक्षण प्रदान गर्नुभएको थियो । कार्यक्रमलाई सम्बोधन गर्दै ओरमुख अतिथिले अबकोसमय सम्पूर्ण मूलबासी मंगोलहरु एकजुट भएर आफ्नो मतदान चुनाव चिन्ह कुखुराको भालेमा दिनुपर्ने कुरामा जोड दिनुभयो । मंगोल कार्यकर्ता, समर्थक साथै लोक समुदायहरुको उपस्थितिमा सम्पन्न उक्त कार्यक्रममा रविन तामाङले स्वागत मन्तव्य राख्नुभएको थियो भने मिक्लाजुङ सचिव लाल बहादुर मगरले सञ्चालन गर्नुभएको थियो ।
Copyright © 2020 Mongol Vision. All Rights Reserved.
Powered by : Dradtech Technology