Mongol Vision News | 15 मार्च 2020
मोरङ / मोरङ जिल्लाको दक्षिणी भेगको मुलबासी मुसहर बस्तीमा मंगोल नेशनल अर्गनाइजेशनले मंगोलवाद बिषयमा एक दिने प्रशिक्षण कार्यक्रम सम्पन्न गरेको छ।
एमएनओ सुनवर्षी नगर सभाको आयोजनामा शनिबार सुनबर्षी वाड न ६ स्थित रडिटोलमा एक दिने प्रशिक्षण कार्यक्रम सम्पन्न भएको हो । संगठनका केन्द्रीय सदस्य सुरज फोम्बोको प्रमुख आतिथ्यता मा सम्पन्न भएको प्रशिक्षण कार्यक्रम लाई केन्द्रिय सदस्य फोम्बोले प्रशिक्षण प्रदान गर्नु भएको थियो । सो क्रममा उहाले तराईका मुलबासीहरु पछि पर्नुको मुल कारण सहि राजनीतिलाई चिन्न नसक्नु रहेको बताए ।
त्यस्तै उहाले मंगोल बादले मात्र यहाँका मुलबासीहरुको उत्थान हुने दाबी गर्नु भयो । प्रशिक्षण कार्यक्रममा मोरङ जिल्ला सभा अध्यक्ष बिकेन बान्तवा , पथरी शनिसरे नगर सभा अध्यक्ष टेक बा मगर लगायतले पनि मन्तव्य राख्नु भएको थियो । सुनबर्षी नगर छेत्रका मुलबासी मुसहर समुदायहरुको उल्लेखनीय सहभागिता रहेको कार्यक्रम तिलकु ऋषिदेबको अध्यक्षतामा सम्पन्न भएको थियो भने कुसुमलाल ऋषिदेबले स्वागत मन्तव्य राखेको कार्यक्रम रबिन्द्र श्रेष्ठले संचालन गरेका थिए ।
Copyright © 2020 Mongol Vision. All Rights Reserved.
Powered by : Dradtech Technology