mongolvision | 29 जनवरी 2022
झापा/ मंगोल नेशनल अर्गनाइजेशन मेचिनगर-७ वडा सभाको आयोजनामा मेचिनगरको मुलबासी राजबंशी गाउँ मदनबस्तिमा मुलवासी मंगोल विषयक प्रशिक्षण कार्यक्रम सम्पन्न भएको छ । उक्त कार्यक्रम मेचिनगर-७ वडासभाका अध्यक्ष मिङमा तामाङ को सभाध्यक्षतामा एवं एम. एन. ओ. १ नं. प्रान्तीय सभा सचिव सागर राईको प्रमुख आतिथ्यतामा सम्पन्न भएको हो ।
राजबंशि समुदायको बाक्लो उपस्थिति रहेको त्यस कार्यक्रम मा मेचिनगर १५ वडा सभाका सचिव दिलिप राजबंशिले आफ्नै भाषाबाट मंगोल दर्शनको बारेमा प्रष्टयाउनु भएको थियो भने मेचिनगरसभा अध्यक्ष सिनारा मेचे र प्रमुख अतिथि सागर राईले संयुक्त रुपमा मंगोलवाद सम्बन्धेव प्रशिक्षण प्रदान गर्नुभएको थियो । उक्त कार्यक्रममा विशिष्ट अतिथीमा जिल्ला सभा झापाको सदस्य निलम राई रहनुभएको थियो भने अतिथीमा मेचिनगरसभाका कोषाध्यक्ष नर बहादुर राई रहनु भएको थियो । स्थानीय लोक समुदायहरुको सौहार्दपूर्ण उपस्थितिमा सम्पन्न उक्त कार्यक्रममा स्वागत मन्तव्य मेचिनगर -२ वडा सभाका अध्यक्ष पुर्णहाङ लिम्बूले राखेका थिए भने नगरसभा सचिव किशोर धिमालले सञ्चालन गरेका थिए।
Copyright © 2020 Mongol Vision. All Rights Reserved.
Powered by : Dradtech Technology