झापा/ मंगोल नेशनल अर्गनाइजेशन मेचीनगर नगरसभाको सक्रियतामा मेचीनगर - २ स्थित काँडेमा एकदिने मुलवासी मंगोल विषयक खुल्ला प्रशिक्षण कार्यक्रम सम्पन्न भएको छ । जनवरी २५ का दिन मेचीनगर नगरपालिका -२ स्थित काँडेका स्थानीयबासी बुद्धिमान तामाङको अध्यक्षता र संगठनका केन्द्रीय सदस्य तथा केन्द्रीय अार्थिक विभाग सदस्य सान बहादुर मेचेको प्रमुख अातिथ्यता एवम् एमएनअो प्रदेश नं. १ सचिव सागर राईको विशिष्ट अातिथ्यतामा उक्त कार्यक्रम सम्पन्न भएको हो । कार्यक्रममा मेचीनगर नगर सभाका अध्यक्ष सागर दर्जी, कोषाध्यक्ष सन्देश राई, सदस्य रोशन लिम्बू ,सबिना राई लगायतको पनि उपस्थिति रहेको थियो । प्रशिक्षण कार्यक्रममा उपस्थित लाेकसमुदायलाई कार्यक्रमका प्रमुख अतिथि संगठनका केन्द्रीय सदस्य सान बहादुर मेचे, विशिष्ट अतिथि एमएनअो प्रदेश नं. १ सचिव सागर राई र मेचीनगर नगरसभा अध्यक्ष सागर दर्जीले मानव अस्तित्व ,मंगोल राष्ट्रवाद र सांगठनिक विषयमा संयुक्त रुपमा प्रशिक्षण प्रदान गर्नुभएको थियो। उक्त प्रशिक्षण कार्यक्रमलाई नगर सभा सदस्य सविना राईले स्वागत मन्तव्य राखेकी थिइन् भने नगर सभा सचिव सिनारा मेचेले सञ्चालन गरेकी थिइन् ।