मोरङ/ मंगोल नेशनल अर्गनाइजेशन मोरङ जिल्लाको सक्रीयतामा मंगोल राष्ट्रवाद सम्बन्धि एकदिने प्रशिक्षण कार्यक्रम सम्पन्न भएको छ ।

    मंगोलप्रेमी देउकुमार राइको सभाध्यक्षतामा सम्पन्न प्रशिक्षण कार्यक्रममा प्रमुख अतिथिको रुपमा संगठनका केन्द्रीय सदस्य सुरज फोम्बो रहनु भएको थियो । भक्त थेगिमको स्वागत मन्तव्य संगै सुरुवात भएको उक्त प्रशिक्षण कार्यक्रममा प्रमुख अतिथी फोम्बोले मंगोल राष्ट्रवादका विषयहरुमा उपस्थित भेलालाई प्रशिक्षित गराउनु भएको थियो ।

    प्रशिक्षणको क्रममा फोम्बोले मानव उत्पती लगायत आदिवासी जनजाती र मूलवासी मंगोल शब्द र त्यसको असरहरुबारे प्रष्ट पार्नु भएको थियो । कार्यक्रममा एमएनओ मिक्लाजुङ गाउसभाका सचिव लालबहादुर मगर लगायत वडा सदस्यहरुको पनि उपस्थिति रहेको थियो भने कार्यक्रम मोरङ जिल्ला सचिव धनराज लिम्बूले सन्चालन गरेका थिए ।