मोरङ/ मंगोल नेशनल अर्गनाइजेशन पथरी शनिश्चरे नगर सभाको ऐतिहासिक प्रथम नगर अधिवेशनको अन्तिम चरणमा पुगेको छ । 7 अगष्टका दिन पथरी शनिश्चरे नगर सभाको सक्रीयतामा वडा नम्बर ९ मगर टोलमा स्थानीय मंगोलप्रेमी जीवन मगरको अध्यक्षतामा एकदिने मंगोल राष्ट्रवाद सम्बन्धि प्रशिक्षण कार्यक्रम सम्पन्न भएको हो । प्रथम ऐतिहासिक नगर अधिवेशनलाई लक्षित गरी आयोजना गरिएको उक्त प्रशिक्षण कार्यक्रममा संगठनका केन्द्रीय सदस्य सुरज फोम्बोको प्रमुख आतिथ्यता रहेको थियो । कार्यक्रममा प्रमुख अतिथी फोम्बोले उपस्थित मंगोलप्रेमी महानुभावहरुलाई मंगोल राष्ट्रवाद सम्बन्धी प्रशिक्षण प्रदान गर्नु भयो । नजिकै आउँदै गरेको २५औं विश्व मूलवासी दिवसबारे प्रष्ट पार्नुहुँदै फोम्बोले आदिवासी जनजाती देशै नहुने जमात रहेको बताउनु भयो । नेपालका मूलवासिहरुको हकहित र अस्तित्वको निमित्त बुलन्द आवाज उठाउने राजनीतिक संगठन मंगोल नेशनल अर्गनाइजेशन मात्र रहेको उहाँले जोडदिनु भयो । प्रशिक्षण कार्यक्रममा स्थानीय मंगोलप्रेमि बिक्रम फेम्बूले स्वागत मन्तव्य राख्नु भएको थियो । कार्यक्रममा मंगोल नेशनल अर्गनाइजेशन मोरङ जिल्ला सभाका सदस्त घिम कन्दङवाको पनि उपस्थिति रहेको थियो भने बिकेन बान्तावाले कार्यक्रम सन्चालन गर्नु भएको थियो ।